Д.Доржпүрэв: АН-ыг 100,100-н залуучууд сонгон гишүүнээр элсэж байгааг баримтаар дурьдаж болно

Төв аймгийн АН-ын дарга болон ҮЗХ-ын гишүүд, Батсүмбэр сумын АН-ын дарга нар өнөөдөр хэвлэлийн хурал хийсэн юм. Энэ үеэр аймгийн намын даргаас хэдэн зүйлийг тодрууллаа.

-Төв аймагт АН-ын гишүүд дэмжигчдийг хуралдан авч намын гишүүнээс нь татгалзуулах зэрэг ажлуудыг хийж байна гэлээ. Энэ ажлыг чухам ямар хүмүүс хийгээд байгаа юм вэ?

-Төв аймгаас УИХ-д сууж буй хүмүүсийн хийж буй үйлдэл. Тодорхой хэлбэл Сү.Батболд, Н.Энхболд гэж харж байгаа. Учир нь эдгээр хүмүүсийн бие төлөөлөгчид энэ ажлыг гардан хийж байна.

Иймэрхүү ажил магадгүй УБ хотын дүүргүүд, аймгууд, сумуудад явагдаж байхыг үгүйсгэхгүй. Тиймээс ийм хууль бус зүйлд бид намынхаа гишүүд дэмжигчдийн анхаарлыг хандуулахыг зорьж байна. Орон нутгийн эрх мэдэл шинэчлэгдсэн хуулиар өргөн хүрээтэй болсон. Тэгэхээр нэр дурьдсан нөхдүүд энэ өргөн боломжийг алдахгүйн тулд шударгаар өрсөлдөх биш өрсөлдөгчөө болж бүтэхгүй бүхийл аргаар унагаах, хойшоо татах, үнэлгээх нь унагах хүсэж байна.

Тиймээс иймэрхүү буруу ташаа мэдээлэл тараагаад буй хүмүүст ямар хариуцлага тооцдог тэр бүх хариуцлагыг тооцно.

-Одоогоор хэдэн хүний батлахыг худалдаж аваад байгаа юм вэ?

-МАН-ын гишүүд, гишүүдийн намын батлахыг худалдан авч түүнийгээ цуглуулж АН аас олон гишүүн гарч байгаа мэтээр зохион байгуулалттай мэдээлэл хийх боллоо. Төв аймгийн Батсүмбэр сумын АН-аас зуун гишүүн нь гарч өөр намд элсээгүй. Тийм зүйл ч болоогүй. Өнөөдөр гэхэд Батсүмбэр сумын АН-д намаасаа гаръя гэж өргөдлөө өгсөн нэг ч хүн алга. Харин АН-д элсье гэж зуу гаруй хүн өргөдлөө өгсөн байна. 

-АН-ын батлахыг худалдаж аваад АН-аас гарсан юм шиг харагдуулж байгаа хууль бус үйлдэлээ зогсоохыг МАН-ын удирдлагуудад мэдэгдсэн үү?

-Бид нар иймэрхүү хууль бус үйлдэлээ зогсоох шаардлагыг Төв аймгийн засаг дарга, МАН-ын даргад Энхбатад ирэх даваа гаригт бичгээр хүргүүлнэ.

Д.Гэрэлхүү